القول الفصل

القول الفصل

الاثنين، 4 يوليو، 2011

ملاحظات مُتعَبَة.

-1-
آن زمان الشعر، او رصد العبارة.
حظ المتافورا أنها كذبةٌ أصدق من النص
الطويل؛ فالصدق استعارة.




-2-
في جامعة بأميركا، شغلتها انها تكون جزء من كل كذبة إنسان عربي. كل كذبة عربية، مجبور يكون فيها "جامعة بأميركا". بقلّك في جامعة بأميركا عملوها فيها بحث، لاقوا انه ورقة ميرميّة بتشفي سرطان الغدد. وعندك كذبة ابن عمّي بتعلم "بجامعة بأميركا". وعندك كمان "في بروفسور بجامعة بأميركا طلع ع التلفزيون وقال انه صدّام رح يرجع." ولك يا حبيبي أنو ميرمية؟ ولك بأميركا أصلًا واصليتهن الميرميّة؟ بعد خيّا انت مفش عندك عمام! بعد خيا شو خص صدام؟ ايش صدام؟! مين سمير!!


-3-
عن جَد مرّات بحس انه عندي صحاب رهيبين، عم بتطلع بالصدفة ع النوتس الي بالآيفون، وبتذكر اني بسهرة مبارح كنت أسجّل الأفكار الي بتطلع، عفوًا، الجواهر الي بتطلع من أفواه صحابي الأكارم. تفضلوا:


-أ-
"الصبايا بعرفوش يصفّوا السيارة، هاي حقيقة، أنا بفكّر انه مثل مَ في حمامات للشباب وحمامات للصبايا لازم يكون في مواقف سيارة للصبايا ومواقف سيارة للشباب."


-ب-
"- يحرق ربكو ولا حدا قادر يعرف مين هاي الصبية الي لابسة فستان أسود؟ كل واحد بزتلي معلومة زي طيزي...
- في جهاز استعملته المخابرات الإماراتية هدفه يجمع معلومات استخباراتية ويربط آلاف المعطيات الاستخباراتية ببعضها ويحسب نتائج إلى تبين منفذي الجريمة. أنا بفترح نشتري واحد ونحطلّك اياه بإليكا، بتخيّل بفيدك...


-ت-
"- أنا بقول انه الواحد بصير بالقاعدة بعد ميطلع من غوانتانامو، مش قبل، بغوانتانامو بصير مع القاعدة."


-ث-
"اسا، مش في اقتباس؟ مش إحنا منقتبس؟ اسا ممكن يكون إشي مُقتبس بخل وإشي مُقتبس بملح؟"


-ج-
"اكثر اشي قليل هيبة بالعالم هو صلاة العصر يوم الجمعة. خلص، يوم الجمعة لازم يوحدوهن، صلاة واحدة، صلاة الظهر، وخلّصنا."




-4-
عبد الرحمن كتب "مُدن الملح"...
لو انه كان في رام الله كان أعاد كتابة كل شيء من الأوّل.




-5-
شفت مجموعة فنانين منهن شادي زقطان عاملين أغنية للشيخ رائد صلاح. تعصبنت وصرت اكفّر وأقيم وأحط، بعدين تذكرت... الي بوصلته السياسية بتأدي فيه لأحضان فتح، فش سبب بوصلته الاجتماعية تأدي فيه لأحضان رائد صلاح. عيب!
انه، بس سؤال، شو بده يقول عنّك الشيخ رائد لما يعرف انك عامل غناي على الجيتارا؟ امش الأوتار حرام؟ 
عنجد عنجد: في بلد للأيجار!


-6-
انا ضد الثورة في سوريا. انا مع اغتيال بشّار الأسد.


-7-
كتبنا عن شباك الغرفة، حطيتو لايك، كيّفتو؟ حبيتو؟ انبسطتو؟ خلص؟ تمام؟
تفضلوا اسا اشوف مين ابن العرص الي بده يساعدني اصلح الشباك.


-8-
مدوّنتي العزيزة،
حاسس بالغربة فيكي. أقرف شعور بالعالم، خلينا نقعد نحكي يمكن خلص، لازم نترك؟


-9-
موسيقى!
هاي الأغني إهداء لمدونتي..






هناك تعليقان (2):

  1. ما أروعك, قراءه كتاباتك...مم كيف أوصفها؟.. لذيذه؟ :)

    ردحذف
  2. جميل :)))
    بس إوعى تترك إنت والمدونة ..إلا مايكون في طريقة تزبط بيناتكم !

    ردحذف