القول الفصل

القول الفصل

الاثنين، 28 فبراير، 2011

بكتب اسمك يا حبيبي..



بكتُب إسمَك يا حبيبي عَ وَرقِة مِتَين



بتكتب إسمي يا حبيبي ع دفتر الدَّين


بكرا بيجيني الحجز، والضريبة بتلتمس


بتهرب انتا يا حبيبي وانا بنحبس..

*

بحكي عنك يا حبيبي لأبوي المتخلف


بتحكي عني يا حبيبي: "صار لازم نخفف"


عامللي فيها حنون وبكرا بتطلع عم بتخون،


شو متفسّر مش راح يقنع إنك مش ممحون..

*



بنوي معك يا حبيبي كمل عمر الحب


وانت ناوي يا حبيبي ع ورثة الأب


بكرا بتنكشف القصة، وبتبقى بحلقي الغصة


إني بحبك وانّه بدك من الورثة حصّة


*


وهديتني بلوزة، ما بتيجي ع قدي، ع صورة جيفارا، ما بتلبق ع أواعيي..


اخدتك ع رنوار وقلتلك اختار، ما همّك أسعار ولا وفّرت عليي..


وبقلك تعزمني بتقلي: معيش...


ولما قلّك حبني، بتقلي: تنقّيش..


*



بكتب اسمك يا حبيبي ع ورقة متين


بتكتب اسمي يا حبيبي ع دفتر الدين


بكرا بيجيني الحجز، والضريب بتلتمس


بتهرب انت يا حبيبي وانا بنحبس


الثلاثاء، 22 فبراير، 2011

نصيحة رقم: 8776384

نصيحة للشباب: 
إذا باغتتك صبية عم تتعرف عليها بسؤال مثل "شو أكثر اغنية بتخليك تبكي؟"...
ولا مرة تبعثلها هاي الأغنية..

الاثنين، 21 فبراير، 2011

إعلان

في هاي شغلة الإعلانات الخفية الي بتكون بأفلام او بفيديو كليبات، هاي لخة انه الدعاي بتفوت على العقل الباطن ومش عارف شو. انه انت بتنتبهش للدعاي بس هي بتفوت ع عقلك...
انا اكتشفت انه الجزيرة بتعمل هيك دعايات.. ومن يوم مشفت هاي الدعاي... صرت احترم الجزيرة اكثر:


ركزوا بالثانية 4:29.. جد الإعلان :)



للي مانتبهش، في شعار كارلسبيرغ بواحد من التلفزيونات.. مش دعاي، الدعايات المخفية شوي أعقد وكثير أذكى، بس انه منيحة المنيكة لا؟ :)
 يلا، خليكو قولوا عن الجزيرة إسلاميين!

ملاحظات قاذفة

1. الفكرة بمصر، انه كل رئيس مات، مات بعد معيّن نائب يخلفه أغبى منه.. جمال عبد الناصر عيّن السادات، والسادات عيّن مبارك.. الفكرة انه مبارك ملاقاش اغبى منه... هاي الملاحظة قريتها بمشي محل.. بس هاي النظرية بشكل عضوي بتفسّر شو رح يصير بليبيا. من طيزي بتلاقوا حدا أغبى من القذافي.

2. كمان فكرة من مصر. انتو فاهمين مبارك قديش قعد بالحكم؟؟؟ مبارك مر عليه خمس رؤساء أمريكيين!!!!... انتو فاهمين؟ وفاهمين الأسوأ من هيك؟ القذافي مر عليه ثلاث رؤساء مصريين!

3. د. عزمي بشارة. على عيني والله، بس يعني قلت ع الجزيرة اننا عم نشهد اليوم أو بكرا سقوط النظام. بس اسمحلي، بلا معلمية عليك طبعًا، انت غلطان.. ويبدو انه مش عم تصيب.. فش علاقة للدم والمجازر بسقوط النظام. سقوط النظام إله علاقة بقطع طريق إمدادات الحشيش للقصر الرئاسي.. والحشيش بعده عم بتدفق ع القصر الرئاسي، بالتالي سقوط النظام بعيد.. إلا إذا عندك معلومات أكثر دقة عن مخزون الحشيش بالقصر الرئاسي :) 

الشيخ إمام، يضرب مرة أخرى!

تحية الشيخ إمام إلى الثورة الليبية!




بالرغم من أن الأغنية كتبت ولحنت لثورة الفاتح من سبتمبر، الثورة التي أتتنا بالطاغية العبيط، إلا انها ليست الثورة الأولى التي يسرق مجدها من أبنائها. للثورة الليبية الحقيقية، في كل زمان.. وللثورة في كل مكان.



الشيخ إمام، مرة أخرى!



ملاحظات من غازي :)

1. شعار المرحلة؛ مش كل متخلّص لازم تلخّص.
*الشعار مكتوب بصيغة المذكر، لكنه موجه للجنسين، حيث انهم نفس الخرا.

2. قال شو، قال الثورة المصرية لا تخلو من حس الدعابة، وقال شو، انه المصريين شعب بنكت، وبضحك، والثورة ملانة نكت ومزح... وحياة ربّكم، الكم عين تحكوا هالحكي بعد مشفتوا خطاب سيف الإسلام؟

3. مسرح القذّافي يقدّم: عرص الدم.

4. اجمد اشي بخطاب سيف الإسلام كان الخبطة ع الطاولة، إشي مقنع.. كان ناقصها بس: "بكل حزم..."

5. بسبب سفر مديرة القسم المسؤولة عن فاطمة الزهراء البرنيسي بالجامعة، القائدة البرنيسي ترجئ انتقالها إلى صفوف الـPhD وتعود إلى صفوف الجماهير المكافحة.

6.
-حبيبي، بتعرف شو أكثر ساندوش بتحبّه فيروز؟
-ها؟ شو حبيبتي؟
-خبزة مع ملح ورضى..

حملة !

عزيزتي الطالبة،
الآن في الجامعة العبرية من البسطة إلي بالفوروم؛ إشتري هيلاهوب أسود بـ20 شيكل، وأحصلي على دييت بالـMirror Pub الليلة.

* الحملة حتى نفاذ المخزون، أو لتني أروّح ع حيفا، أو لتنه يخلص الصيف وأرجع لفيتيش الفساتين البيضا :)


حكمة الصباح؛ بعرفش إذا الله عنده جسد أو بلايستاشين.. بس الله أكيد عنده إيقاع.
الفالس؛ إيقاع الله.

وليلحق الوفد مُضيفه... عاشت الثورة !



* وفد "قيادات" الأقلية العربية الفلسطينية في الداخل في ضيافة المعتوه المخلوع. 

الأحد، 20 فبراير، 2011

المغرب قريب.

مغرب الحب قريب. مغرب الثورة قريب. مغرب الناس قريب. مغرب الأحلام قريب. مغرب الأمل قريب. مغرب الأبيض قريب. مغرب الإبتسامة قريب. مغرب دموع الفرح قرب. فتوش قريب. مغرب التغيير قريب. مغرب الإنسان قريب. مغرب الفرح قريب. مغرب الحرية قريب. مغرب الفان غوج قريب. مغرب طنجة قريب. مغرب الكازا قريب. مغرب الماحية قريب. مغرب السبيسيال قريب. مغرب النبيذ المكناسي قريب. مغرب بار باريس قريب. مغرب القطار قريب. مغرب الحشيش قريب. مغرب عبد الصادق شقارة قريب. مغرب مقهى ام كلثوم بمكناس قريب. مغرب علال الفاسي قريب. مغرب أمير الحشاااااااااش قريب. مش مغرب الصحرا قريب. مغرب أبيض تطوان قريب. مغرب حمير فاس المقرفة قريب. مغرب لا بور دي كازا قريب. مغرب مقهى لا صقالة قريب. غرب مأوئ الشباب قريب. مغرب السحرة قريب مغرب الهبل قريب. مغرب الانتظار قريب. مغرب الفجر قريب. مغرب مغرب مغرب مغرب مغرب مغرب قريب قريب قريب قريب قريب

الخميس، 17 فبراير، 2011

ملاحظات ثوريّة جدًا

كاس ستيلّا الرحمن الرحيم

1. كرهت مصر لفترة طويلة، خاصةً في الفترة التي زاد فيها التواطؤ مع حصار غزة، وزاد هذا في المباريات بين الجزائر ومصر. وبالرغم من أن زيارتي الأخيرة لمصر في آذار الماضي، أعادت لي حب مصر، نوعًا ما، ورغبة العودة إليها.. ولكن أي شيء في العالم لم ينجح في التفوّق على حبي للمغرب العربي، للمغرب، للجزائر لتونس.. لا شيء يتفوق على عشقي المجنون للمغرب العربي.. أما الآن؟
الآن.. حين أرى مصر.. عظمة مصر.. ثورة الشعب.. الطيبة.. القدرة.. الإبداع.. الإصرار... الثورية... هذه الملايين التي تتحرك كلها كرجل واحد... هذه الوحدة... هذه الوطنية... هذه التضحيات.. هؤلاء الشهداء... هذا الإله الثائر... هذا التمرد ... هذه الأسطورة العظيم... وحين أنظر إلى كل هذه الرهبة... أتذكر.. كيف أن كل هذه العظمة.. انطلقت بكبسة زرٍ تونسية... فأحب المغرب العربي أكثر :) 

2. عزيزي معمّر القذافي.. إنتهت الحفلة التنكّريّة...


3. عم بتذكّر بالأشهر السابقة، لما كنت أكتب عن الثورة، عن الدم، عن التضحيات، عن الأمل بالحرب القادمة، عن المقاومة، عن معنى الموت، معنى الإستشهاد، معنى حمل السلاح، معنى الإنتفاض... بذكر كومنتات كثيرة، وتعليقات أكثر بين الصحاب.. انه ياخي خلص، دوشتنا بالشيخ إمام.. ودوشتنا بالعاشقين، وبالثورة، وبالدم، وإنه الحرب جاي..خلص.. إنسى... روق.. شربلك نص بيرة (كأنه بحاجة حدا يطلب) .. إسمع مشروع ليلى.. "الحل رومانسي" ومش عارف شو.. وإهدا.. احكيلنا عن السكس.. احكي عن الحب؟ اضربلك دق سريالية علحارك.. دشرك ثورة ومش ثورة.
وأه؟ ... وشو؟ ... ليش مخففين فيديوهات "مش كلشي نافع طارقه عين" وبوستات عن حبيبِك إلي طقعلك مع إنه كان مفروض يجي يفيقك وتعملوا سكس من الساعة ثماني الصبح للثنتين الظهر وبعدين تروحو توكلو مناقيش بالسوق لأنه أورينتاااااااال...؟ شو يا سيّد شايفك صاير تشدّ ع شيّد قصورك؟ شو؟ بتجيب لايكات؟ قبل شهرين مكنش صلاح جاهين يعجب صبايا جامعة تل ابيب؟ إسا صبايا جامعة حيفا صاروا  يدووووووووبووووووووووو بدباديييييييب שיווווווו איזה קטאאאאאאא אני לא מאמינההההההההההה سميح  شقير؟


4. الكل كان يسأل ويحكي عن الرجل إلي واقف ورا عمر سليمان.. حتى عملوا عنه غناي... 
بس عنجد مش عارفين؟؟ ركزوا منيح بالصورة...عنجد ركزوا منيح...!




عنجد مش عارفين انه هذا... زين العابدين بن علي؟!!!


4. كس أختك يا أبو مازن... كس إختك يا أبو مازن.. قطعت عنّا السكس.. هياه.. كل صبايا الوطن العربي اليوم بتدوّر ع مصريين... عجبك؟ .. كس اختك يا أبو مازن.. كنا اجمد شعب... كنا أحلى ناس... كل صبايا الوطن العربي من صنعاء للرباط ومن موريتانيا لجدة ومن الموصل لراس العامود يتمنوا بس ليلة مع فلسطيني... واليوم شو؟ اليوم شو؟ دفنت راسنا بالتراب.. يلعن طعريس أختك.. اليوم صرت لازم أعرف أطبخ كوشري عشان أزبط صبية.. وتسألني "انت مش كنت فلسطيني؟" أقلها بلهجة مصريه "ده كان زمان وجبَر يا دلعادييييييي".... ونُكرر.. كس اختك يا أبو مازن.

5. "وعدتُن جبلُن لِعَب من الثورة..." 


الأربعاء، 16 فبراير، 2011

ما عاد يلمسني الحنين...



في ماضي، منيح، بس مضى.. 
صفّى بالريح.. بالفضا.. 
بيضلك تذكار، عن مشهد صار 
في خبز.. في ملح.. في بيرة.. ومين سائل عن الرضى؟



ملاحظة 1:  بدهن يعذرونا جماعة الـ84 ع أساس عم بستعمل موسيقى لفيروز، مش قصدي أكسر الإحتكار والحصرية، بس بتعرفوا، مرات هيك كمان انا، بالإذن منكو، بحب أسمع فيروز. 
ملاحظة 2: هذا البوست (والأغنية) مُهدى.
ملاحظة 3: كل مرة بسمع جملة "نعمل إتصالات" بتذكّر الحزب. تنذكر وما تنعاد.
ملاحظة 4: لا تعتذر عمّا فعلت.
ملاحظة 5: "للحب ما زلنا نغني، والحب ثورة، والثورة لا تمارس في الخفاء..." 
ملاحظة 6: خلص.

الاثنين، 14 فبراير، 2011

إهداء، إلى الأصدقاء اللذين يعرفونني، فأعرف أنهم يعرفون ما الذي أعنيه عندما أقول: "الشيخ إمام."

غسّان، رند، فتّوش، لمى..


* تسجيل نادر من إحتفال ذكرى تأسيس الحزب الشيوعي اللبناني في العام 1992، شارك في الإحتفال الرفيق القائد جورج حاوي.
   تسجيل نادر لذروة العفوية الفنية المتحمسة، تسجيل نادر للنشوة الثورية.