القول الفصل

القول الفصل

الأحد، 21 فبراير 2010

مقياس الزمن.

قبل كم يوم باع الوالد(أبوي يعني) سيارة المتسوبيشي. باعها حَديد. المتسوبيشي قصّة.. قصة طويلة كثير. هي قصّة، وفيها قصّة. بس إنو، حاسس كإنها مرحلة مفصلية.. وبهلمناسبة فكّرت، انو انا ممكن بكل سهولة، اوصف مراحل حياتي حسب السيارات الي كان وراحت عنّا..
طفولتي المُبكرة لما كان عنّا أوبيل كاديت صفرا...
لاحقًا سوبارو بيضا (انسرقت)...
بعدين، الطور الأساسي بحياتي، المتسوبيشي الخضرا..
بعدها، المتسوبيشي الخضرا (لمّا إندهنت كمان دور)
بعدها لمّا صار عنّا سيارتين، مُنفصلتين..
وإسا، مرحلة "بعد ما انباعت المتسوبيشي"..
ذكّروني أحكيلكوا عنهن..

*على فكرة.. النقط والفواصل، مش بالضرورة، بتشغل الوظيفة الي مفروض تشغلها حسب قواعد علامات الترقيم. يعني\على إستك مرت عمّي.

يلا السلام عليكم.

ما حدا قال: ثورة على طول

مبارح اخوي ذكّرني بأغنية كنّا نسمعها زمان (أيام ما كان بعد في بسيارة المتسوبيشي مسجّل)..كانت على شريط إسود مسجّل عليه من جهة أغنيتين لجورج قرمز، ومن الجهة الثانية هاي الأغنية وبس.
مش عارف، بس إنو.. نوستالجيا.


Hasta Siempre Comondante بتذكر جيفارا | Music Upload

كارول سماحة ولوريت حلو

الأحد، 14 فبراير 2010

بِدون مناسبة

لأ، مش بمناسبة عيد الحُب. بس إنو في عيد حًب، بمنعش إني كمان اليوم، زي كل يوم، بحِب.
الصورة، بالأساس بوستر معروف وقديم، بس حضرتي خربطت أحرُفُه وزدتله شوية لون. منيح اللون مرات لا؟
الأغنية، فرقة لبنانية جامدة، مشروع ليلى إسمهن. شكرًا وائل.


فساتين- مشروع ليلى Fasateen- Mashroo'a Layla | Music Upload

الجمعة، 12 فبراير 2010

ملاحظات لوجه الله

1. سمعت إنو كل كلب بيجي يومه. فحابب أستفسر وينتى بالزبط يومي، لإن بديش يجي وأكون مشغول أو بمكان ثاني.

2. أكثر إشي كنت أحبّه بالمدرسة، هو إنو أقبع صفحة من نص الدفتر. كان شعور عنجد حلو. أحلى من رنا رسلان.

3. يا محلا الفُسحة يا عيني...على راس البار. (اشتقت للدانك)

4. ملاحظة محوسبة: بعد حدا ذاكر إن Face و Book هنّي كلمتين مُنفصلتين؟

5. أنا بحب ستي.

لأ حبيبتي، تروتسكي مش إسم نوع شاي..
فيسوتسكي حبيبتي، فيسوتسكي هداك.





الأربعاء، 10 فبراير 2010

أبو النواس جماعتنا...

...فقال ابو النواس لهارون الرشيد: لماذا تذهب بعيدا وامامك بهجة الدنيا التي لا تضاهيها حسناء في الأرض. الملكة زبيدة الي تُحبها اشد حب ؟‬

‫فابتسم الخليفة عند ذكر زوجته وقال: ولكن ماذا اصنع وقد آتتها عادتها، وانت تعلم كم بهذه العادة من اذى‬

فقال ابو النواس: وهل يعسر عليك المكان الآخر؟‬

‫فقال الخليفة: سنرى

ثم دخل على زوجته وحدثها ما قال ابو نواس

فقالت: ومن اخبرك بذلك؟

أجاب: أبو نواس

فقالت: ليُطرد من البلد.

وبلغ ذلك ابا نواس. فعمد الى دابة له فوضع فرجًا بعينين، وانتظر تحت قصر السيدة زبيدة (بعد خروج أمير المؤمنين) وما زال واقفا حتى رآها قد طلت من نافذة قصرها العالي وكان قد أحضر فردتا رحا من حجر. فوضع في فردة الخرج فردة من الرحا، وجاء بالثانية فوضعه من جهة الخرج التي وضع بها الأول، فسقط الخرج عن ظهر الدابة. فأصلح الخرج وأعادة المحاولة في جيبة الخرج الأخرى، فوضع فرد الرحا الأولى، ووضع الثانية في نفس الإتجاه.

فنظرت الأميرة زبيدة ضاحكة وقالت: ضع الثانية في الناحية الأخرى.

فنظر إليها وقال: لقد قلنا ذلك فقلتِ أخرجوه من البلد!

الثلاثاء، 9 فبراير 2010

!


بهاي اللحظة، بالأكاديمية، بالجامعة العبرية بالقدس، بعز دين رب الإمتحانات.. في جنبي بغرفة الحاسوب.. واحد... شب مثقف مبيّن عليه... عم بحضر فيديو هيفاء وهبة من قناة دريم.
ما إقتضى التنويه.

فيض ملاحظات صباحيّة


* دايمًا في هاي المعلمة الي كانت تعلمك بصف البستان... هاي المعلمة انظف اشي بالعالم.. مفروض.. وأطهر إشي بالعالم.. إنو هي كيف متقول.. ذاكرة الطفولة والأيام البريئة والهادية والجميلة.. هي كُلشي.. بس إنو.. انت يا أخ بالنسبة إلها.. كمان واحد...مارق قبلك ألف...وجاي بعدك ألف... ومش بس هيك قبضت عليك الشيء الفُلاني، يعني مش محبةً فيك يا معلم. هاي الملاحظة عم بقولها، لإنو في واحدة علمتني بالحضانة، وجديد اكتشفت ولادها... هاي الملاحظة عم بقولها عشان أحس مرتاح مع حالي لما أقول إنهن ولاد شرموطة.

* مصطلح "أطلال الحبيب" لحاله بحاله، بارادوكس اخو شلن... إنو.. مدامها أطلال الحبيب... فكيف تنها بالجمع؟ إنو.. إذا الطَّلل الواحد تعريف بالقاموس "ما شَخَص من آثار الديار".. فإنو الأطلال جمع مفروض.. إنو مع كما واحد كاينة تطلع أم كلثوم تنو هلقد في عندها أطلال؟ وبعدين يا بنت النايبة بتقوليله "اعطني حريتي اطلق يديَّ ..اه من قيدك ادمى معصمي فهل ابقيه وما ابقى عليَّ؟".. محملتيه جميله للزلمة يعني ؟ مإنتي بتقولي أطلال.. مش طلل واحد.. يعني في أكثر من زلمة.. لكان أغرشي وبلا حكي فاضي. يلعن طعريس أختك ما أسمجك على ساعة هلصبح.

* ملاحظة محوسبة: وإن كان لا بد من Browser فليكن خفيفًا على القلب والخاصرة.

*حبيبتي، إنو، يخليلي إياكي بس لو شوية هدوء؟ ولو إنو هدوء نسبي..

وإياكي.

الاثنين، 8 فبراير 2010

عام 2010 يُقدم لكم تحت شعار:



إلعب

وحدك

تيجي

راضي

نُكرر: امازيغ كاتب صنف من أصناف الله.

شُكرًا أنس.

دائرة الرصد الإعلامي 1

دائرة الرصد الإعلامي-
وحدة "ريتني أتشحّر" تقدّم:


http://www.alarab.net/Article/0000247587
هام جدًا أوّل ثلاث تعليقات على الخبر.

http://aljabha.org/?i=48494
"بدأ الطقس يتدهور والمطر ينزل بغزارة، ومع هذا فقد كان أسبوعي مليئًا بالسفريات، حتّى أني اضطررت لقيادة السيارة إلى الناصرة في عزّ العواصف والمطر، وذلك لإرضاء زوجتي وابنة عمتها التي جاءت لزيارتنا لأسبوع كامل."

http://www.panet.co.il/online/articles/1/2/S-263511,1,2.html
تعليقًا على الخبر قال الأخ و.ب (الإسم محفوظ في أرشيف وكالة الغوث) إبن مدينة ام الفحم: ياخي عنا بالبلد عادةً الوالدة مفروض تكون زوجة الأب.

بنت شلبية...كثير

http://www.lp33.tv/artists/sarinebalian/?sm_title=Sarine+Balian+-+Al+Bint+El+Chalabiya&video=10009

شُكرًا فتّوش.

الثلاثاء، 2 فبراير 2010

بخصوص بخصوص بخصوص الكرامة والشعب العنيد

"بخصوص الكرامة والشعب العنيد" مسرحية جديدة (نسبيًا) من مسرحيات زياد، من بداية التسعينات، بعرفش ليش انتشارها أقل من مسرحيات مثل "نزل السرور" و "بالنسبة لبكرى شو"... يمكن لإنها أعقد وأضرب (مضروبة أكثر)..فقصقصتلكوا شوية مقاطع من المسرحية بلكي حبيتوها.. وسمعتوها..
ملاحظة: كيف مأحلا كلمة "خصوص" ؟

زلمة صاحبنا


zalami sa7ebna - زلمة صاحبنا | Upload Music

نشرة 1



nashra1-نشرة1 | Upload Music

نشرة 2


Nashra2-نشرة2 | Upload Music

مصرع طموح




masra3 6omo7- مصرع طموح | Music Upload

ما انا شو عملت؟1

ma ana shu 3melet?1-1ما انا شو عملت؟ | Upload Music

ما انا شو عملت؟2

ma ana shu 3melet?2-ما انا شو عملت؟2 | Music Upload

فات بالحزب الشيوعي

fat bel7ezeb el shuyo3i-فات بالحزب الشيوعي | Upload Music

حوار

Hewar-حوار | Upload Music

انبسطوا..بس تدعوليش

إهداء من جبهاوي حنون إلى محمد بركة

تأملات إغترابيّة

"لوزي, موزي, جوزي, فوزي, احمد, خليل, اشرف, شرشف, نفنف, حفحف, رشق, دهن, لبن, عجن, معاً! نقضي على جميع الحشرات! هسهس, بعوض, ذبان(اسود - ازرق-زهري), فسوق, علب خيار مخلل, حليب صويا, هريسه, بُرمه, اصابع زينب كلشي بعمل وجع سنان ما تجيبو عالرحلة مش راح نطلعو عالباص وما تنسو طواقي ومطرات, الشمس راح تكون حامي. سلام"

جميع الحقوق محفوظة لآية الله عايد فضل،( قدس الله سرّه)- حوزة نيويورك.

الاثنين، 1 فبراير 2010

فيل أبيض مع جناح

هذا الشيخ يا مُخنثين!

لكُل إلي أفطروا اليوم في بالشانسيليزي.
لكُل إلي بعملوا وجه قرفان لما يقولوا: "الناس العاديين".
لكُل إلي بجتهدوا يترفّعوا عن الرومانسيّة.
لكُل إلي بهزّوا راسهن زي الكلب الي بنحط على تابلو السيارة وهني يعزفوا بالأوديتوريوم، وبقبضوا على العرض بالدولار.
لكُل إلي بفكروا ان الفن فوق القضايا السياسية.
لكُل الي برفعوا العلم الاحمر وهني لابسين بإجرهن "تمبرلاند" أحمر.
لكُل إلي بغنوا لكاسترو وهني لابسين بلايز شركة "كاسترو".

هذا الفيديو إلكم يا منايك!

الشيخ إمام في تونس... إهداء لإتحاد العمال التونسي


شيّد قصورك علمزارع\من كدّنا وعمل إيدينا
والخمارات جنب المصانع\والسجن مطرح الجنينة
واطلق كلابك بالشوارع\واقفل زنازينك علينا
وقلّ نومنا بالمضاجع\ادي احنا نمنا ما اشتهينا
واثقل علينا بالمواجع\احنا انوجعنا واكتفينا
وعرفنا مين سبب جراحنا\وعرفنا، رحنا والتقينا
عمّال وفلاحين وطلبة\دقّت ساعتنا وابتدينا
نسلك طريق ملوهش راجع\والنصر قرّب من عنينا
والنصر أقرب من إيدينا!