القول الفصل

القول الفصل

الثلاثاء، 15 يونيو 2010

نشرة الأنبياء...

1. بما ان المونديال مطوّل وبدينا نكتب ملاحظات المونديال.. رايحين نكمّل قد ما منقدر.. قد ما بقدر.
بتطلع مرات أشياء بايخة كثير، مرات أقل، بعرف. مرات بكون مستعجل ومش فاضي اكتب بس بكتب.. مرات بكون صرت شارب منيح(عشان فطبول بدون بيرة صعب) وبطلع شوية تخبيص.. بعرف. بس يطلع بايخ شوي.. المهم يطلع.. مهم يطلع لأنه مهم الأشياء الي بتخبط براسنا والهبل الي بضل يركض ورانا مهم يضل يطلع.
مهم انو يضل حدا يحاول يشوف الأشياء بطريقة هبلة.. هبلة لأنها بتحاول تلعب على حبال المنطق المُمل تاع الناس... بدكو هبلة؟ هبلة. زهقت وهو كلشي زي مَ هو.
بكتب كل يوم، حتى لو الي بنكتب مش "جامد"، أولًا عشان متخنقنيش غرابتي عن نفسي (تصدير عُقد يمكن؟).. وثانيًا لان الكتابة اليومية لوحة منضل نضرب عليها أسهم.. يمكن في 1000 سهم ما بيصيب النقطة الحمرا.. وسهم واحد بصيبها.. وببسطنا.
هاي مش جريدة.. ولا كتاب.. ولا مجلة عم نكتب فيها.. هاي مدونة بتوسع كل الخربشات، العُقد، الهبل، الأعصاب، المسخرة، الأدب، السياسة، الخرا، الحب، الجنس، الفتور، الغرابة والغربة... والأهم: بدون غربلة.

2. قرأت مقال نشره في مدونته الكاتب علاء حليحل تحت عنوان الآن الآن وليس غدًا: هشام نفاع لرئاسة تحرير "الإتحاد".. وبتصوّر موقفي من الحزب الشيوعي الاسرائيلي معروف.. ومن الاتحاد.. ومن كثير شغلات.. ويمكن هون المكان الي ممكن ترجعوا فيه لشو حطيت بالبلوج وقت وفاة الفيلسوف الجابري.
في كثير ناس منحبهن.. منحبهن مع انه ممارستهن وفكرهن بيروح لأماكن منرفضها كليًا، لأسباب غريبة ومش مفهومة.. بس في هذاك الشعور القوي انو هذول الناس فيهن بوصلة بتحركهن وبتقدوهن لإشي نظيف وواعي. بالرغم من شو هو الحزب الشيوعي الإسرائيلي وشو هي الجبهة... هشام نفاع صحفي وكاتب وإنسان يستحق الكثير الكثير الكثير... ورئاسة تحرير "الإتحاد" هي أقل ما يمكن.
إليكم المقال.. ويُرجى نشره
مدونة علاء حليحل :

الآن الآن وليس غدًا: هشام نفاع لرئاسة تحرير "الاتحاد"


3.
- بعرف يا رفيق انه من طلب العُلا سهر الليالي... بس مش هيك...
- كيف يعني مش هيك؟ شو قصدك؟
- يعني سهر الليالي... بس يعني.. مش في البار..
4. انا متأكد مليون بالميّة إنو الفيسبوك إنضرب:

5. النشرة الجويّة: اليوم ستكون الأجواء خائبة جزئيًا.

6. عنجد أغنية الشهر... شُكرًا يا صديقي:

الأربعاء، 9 يونيو 2010

11:39 صباحًا: نهار ملغوم.

" -إنو حبيبتي.. قصدك إنو لما النبي مُحمد قال ان "الناس سواسية كأسنان المشط".. كان يقصد سمك المشط؟.. ههة، لا حبيبتي، بتصوّرش.. صباح الخير حبيبتي. "

ملا صُبح أخو فلّاته.. من أوله هذا النهار مبيّن شو.. هذا النهار بده يخلص هيك:
وأهلين بالشباب

الثلاثاء، 8 يونيو 2010

ملاحزات.

1. من وين خبطونا بقصة الإمتحانات هاي الي اجت بنص المونديال؟... ولا اشي، مندرس بالوقت الضايع (ولاي قديش في زناخات ع هاد الموضوع.)

2. لطفي بشناق جاي عَ رام الله، الهام المدفعي كان. تطبيع إيز تطبيع.. أنه.. حتى لو بدكوا تروحوا، روحوا... بس حسوا بتأنيب ضمير...للبروتوكول يعني.

3. حنين زعبي ضمنت حالها بالإنتخابات الجاي.. وبجدارة.
جمال زحالقة كمان..ضامن حاله الإنتخابات الجاي.. بجدارة.
سعيد نفاع باي باي.. بجدارة كمان.
شكلي مخسرتش كثير.. البرايميريز الجاي بالتجمّع: ملل.

4. أمير مخّول وعمر السعيد في السجن أيضًا. إضافةً لعمالقة كُثر يقبعون بالسجون.
راوي.. حسام.. أنيس وغيرهم من الطلبة المعتقلين: هنيئا لكم.. فما تبقى من حكمة وكرامة وإقدام.. صاروا رفاقكم بالخبز والشوق.

5. تركيا: شعبنا حن للخازوق.

6. -أها.. انتي شو بتتعلم؟
-فلسفة..
-اوو.. لزيز.. بسيخولوجيا يعني؟

7. من مأثورات القائد الخالد عبد وتد:
ياما تحت الجلابيب لهاليب.

-يا حبيبتي..كيف يعني ليبرمان بده يكون محامي لأسرى أمنيين.. أولًا ليبرمان مش محامي.. واكيد مش لأسرى امنيين.
-مبلا حبيبي.. انا متأكدة.. أفيغدور ليبرمان محامي أسير أمني.
-حبيبتي؟!.. ليكون قصدك افيغدور فيلدمان..؟
-اييووة.. فيلدمان.

مما اقتضى التنوين
مجدٌ.

* هذا البوست لا يحتوي على أي مسبة للجبهة، وذلك للتمويه.

الأحد، 6 يونيو 2010

هذيان في الموت والكلمة


إذًا، فمن الطبيعي أن يرتبط إزدهار حرية التعبير بإزدهار الحق بالحياة، أو لنقل، أن يرتبط إزدهار وهم حرية التعبير بإزدهار وهم الحق بالحياة.

إن مشروع الكلمة (نقصد بالكلمة: التعبير، الكتابة، الموقف، الفكرة والأيديولوجيا بالضرورة.) لا بد أن يكون مشروعًا تخليديًا للذات المكتوبة. وبالتالي، فالكلمة بحاجة دائمة إلى مصدر شرعية ومصداقية يخلّدها، يحافظ عليها ويجعلها واقعًا يشغل حيزًا في التاريخ.

وفي هذا السياق، فإن مصداقية الكلمة تُشتق من منظومة حضارية مرتبطة بالوقت والمكان والمؤسسة وعلاقة المؤلّف بكل هذه العوامل. إذًا، إنه حوار مستمر وقاتل بين المؤلف والمنظومة المذكورة مبني على أساس المحاسبة المتبادلة بين الطرفين يعتزم فيها الطرفان القضاء على الآخر. فيعمل المؤلّف على تغيير هذه المنظومة دفاعًا عن إعتقاداته المُنطلقة من إنسانيته، أي أنه يعمل على القضاء على شكل المنظومة الحالي لأجل تحويلها إلى شكلٍ آخر بما يتلائم مع إعتقاداته النابعة من إنسانيته. وفي الوقت ذاته تعمل المؤسسة على تغيير المؤلف دفاعًا عن إعتقاداتها كمنظومة، وذلك عبر عقابه (بالقتل أو بالسجن، أو بمحاصرة نطاقه الإجتماعي -الذي يمكن ان تبحر في كلمته- عبر الماكنة الإعلامية كما هو الحال في "الديمقراطيات"، هذه كلها أشكال للعقاب الهادف لطمس الكلمة).

وبالفعل، في هذه النقطة بالذات ينشأ صراع القوة: من يتسطيع مواجهة الإعلام وينصر كلمته، من يستطيع تحطيم القيود وينصر كلمته، من يستطيع مواجهة القتل وينصر كلمته، هو المنتصر. وشكل المواجهة ليس موضع النقاش، إلا ان ما يجدر بنا نقاشه هو الإحتفاظ بالـ"موت" كإحتمال خيار مواجهة يُكسب الكلمة مصادقيتها الخالدة.

إن حرية التعبير المرتبطة بتقديس الحق بالحياة هي تكريس للثرثرة عديمة مصادر المصداقية المخلِّدة، لأنها تتُحدد مُسبقًا خيارات المواجهة.

إن إتساع مساحة تداول الكلمة مصدرها إتساع خيارات المواجهة من أجل تثبيت الكلمة وتحويلها الى منظومة. ومصداقية الكلمة نابعة بالضرورة من استعمال خيارات المواجهة، فإما تثبيت الكلمة (إلى أن تصبح منظومة ويتم تغييرها مرة أخرى)، أو التضحية الخالصة.

حرية التعبير فارغة المضمون إن لم تخاطر بالحق بالحياة لأجل تحويل "التعبير" إلى واقع.

نلخص:
إن هزيمة عهد الأيديولوجيّات نابع بالضرورة من منظومة وعي تقلّص عظمة التضحيات وتُفقد الموت قيمته الملحمية.

الأيديولوجيا التي يمكن أن تعيد لنفسها الإعتبار والقيمة، إنما هي الأيديولوجيا القادرة على ترسيخ فكرة التضحية وبالتالي، تمجيد قيمة الإستشهاد.

وإن لم يفهم البشرُ:



إن الشعوب إن هزّت ستندَحِرُ.

الجمعة، 4 يونيو 2010

إعادة صياغة:

يا معلمتي يا معلمتي..اجا الذيب..اجا الذيب..
اجا تَ ياكلنا.. منعمل شو؟

...עותרים לבג"צ

الأربعاء، 2 يونيو 2010

تـلـخـيـص


خلص. طيزي عُفتها. بطّل يهم. كلشي بطّل يهم. يا انه في تلبيخة اخت شلن بكل المنطق الي منعرفه، يا أنو، على الأرجح، أنا غلط. \
إحنا ناس. ومع الناس بصير أشياء. ولما تصير، الناس بتتعصبن، بتحس وبتعمل. ولما بتعمل بتعمل بحجم الغضب وبحجم الإحساس.\
بس إحنا ناس. ومعنا بتصير أشياء. أشياء كثير كبيرة. وكثير بتعصبن، ومنحس، وبكون بدنا نعمل. بس منعمل كل اشي بنفس حجم الفعل الإعتيادي\
إحنا ناس. بتصير معنا أشياء كثير كبيرة. وكثير منتعصبن. ومنحس. وبكون بدنا نعمل. بس منخاف. ومنعمل كل اشي بنفس حجم الفعل الإعتيادي.\
إحنا ناس مُلتزمين. مُلتزمين بقانون يتعلق بإمكانيات فعلنا وغضبنا. بحط حدود لغضبنا. بس، مش إحنا غضبانين من القانون؟\
إحنا مواطنين في دولة إسرائيل. مُلتزمين بقوانينها. بدناش نكسر قوانينها. وبالتالي بدناش نغضب أكثر من اللازم.\

الي بتحمل مسؤولية غضب الإنسان هو الإنسان الآخر إلي أغضبه، مثلًا:
الجبهة أغضبتني ببيانها، وبتتحمل مسؤولية ما جاء من شتائم وبهادل منّي.
انا أغضبت الجبهة بشتائمي التي اتحمل مسؤوليتها، وبتحمل اللي ممكن يصير من غضب الجبهة.

هووب.

كنا نحكي عن الخوف.
وعشان منبيّنش مُزاودين. بلاش "خوف".. شو بتسموها حضراتكم؟ "مسؤولية"..

هات تنحكي شوي عن المسؤولية.
المسؤولية انه لا يُعتقل شبابنا.
المسؤولية انه لا يُجرح شبابنا.
المسؤولية انه لا يُقتل شبابنا.

المسؤولية ألا تهاجم شرطيًا يأتي لإعتقالك والإعتداء عليك. أن تكتفي بدفعه لكي لا يلتقطوا صورتك ويوجهوا تهمة " الإعتداء على شرطي".
المسؤولية أن تهرب من شرطي يهاجمك للإعتداء عليك لئلا تُجرح.
المسؤولية ألا تشكل خطرًا على حياة جيش الدفاع الإسرائيلي لئلا يطلق عليك النار.

المسؤولية أن تتظاهر بحدود القانون الإسرائيلي.
المسؤولية: أن تقاوم العدو بالسلاح الذي يسمح به العدو.

إنو طيّب ياخي.. م انت مستعد تكسر كل قوانين الدولة.. عشان تضربني.. وتضحي بحالك انو والله ممكن تنحبس أو أو أو.. عشان قلت انو بحزبك في شراميط. ماشي منيح.. انا مبسوط.
طيب ياخي كسّرلك شي قانون، ولو صغير مثلًا، عشان في إشي معيّن إسمه إسرائيل ناكك وناك ربّك وعملك وعملني، بدّك ولا بدكاش، عملنا شراميط عنده. إنو ياخي اضربلك كف.. رفشة.. بحق هلهيئة الي بالنسبة إلك عدو.

عدو ؟
أه صح..ערבים ויהודים מסרבים להיות אויבים.

لأ مجد.. بسرش هيك سديئي.. لازم نفسل بين اليهود والسهيونية.
ع راسي. فصلنا.

الدولة الصهيونية شو تعريفها؟ عدوة ولا مش عدوة؟ بتغيّر المنطق؟ بتصوّرش.

أول مظاهرة كنت فيها بحياتي، كان عمري 3 أشهر، مظاهرة يوم الأرض 1991.

من وقتها وانا مفكر اني بعمل اشي. الحقيقة، بعملش اشي.

في هذول المنايك الي بقعدوا على جنب الشارع لما تمرق المظاهرة وبقولوا "شو بدها تفيدهن المظاهرات يعني؟". بغض النظر إنهن ولاد خاينة، بس معهن حق.
مظاهراتنا، بشكلها المُعتمد. بتفدش. بتقدمش. بتأخرش.

إنو يعني الـ "شراميط" ازعجت الجبهة أكثر من ما كل مظاهراتنا على مدار 62 سنة عم تزعج الدولة. وإثباتًا على هذا انو الجبهة جربت تهددني، والدولة ولا مرة جربت تهددني. حتى "كارلوس" بالتحقيق الأخير بالشاباك.. قاللي لما قعد يفهمني أخطائي بحق دولة اسرائيل: "انا مش عم بهددك"

إذًا، قدامنا حلّين.
أو أن منقعد، منعاتب حالنا ومنعذب نفسنا ونجلدها لانو احنا مش عم نعمل اشي فعلي عشان نعصبن اسرائيل.
او منطلع نتظاهر.. ونوهم حالنا انو عم نعمل اشي.

انو ياخي هات تَ نشوف.
حضرتك مع الكفاح المسلّح؟ منيح.
بتقدرش تحمل سلاح والوضع مش مُلائم؟
أنو وضع مش ملائم.
إذا بتقلي انو الجماهير مش جاهزة، وانو فش قابلية، وانو احنا عايشين بشكل مختلط الي بسمحلناش بالعمل العسكري والى آخره، أنا بقلك. منيح، انا معك.
طيب.
بالضفة وغزة والشتات، في قابلية، والعمل العسكري ممكن. حضرتك معه؟
اذا مش معه، معناته انت كذاب، ومشكلتك مش بالقابلية والجاهزية والوضع القائم، بل مشكلتك مع العمل العسكري ككل.
وإذا معه، قول يا عمّي هذول الناس حقهن يقاوموا وانا معهن.

ولكن، إحنا إلنا الحق انو نفكر انو احنا مع المقاومة. بس مإلناش الحق نقول انو احنا مع المقاومة.
طيب انو شو منصفي نكتبها بـ "كليلة ودمنة" مثلًا؟

عنجد حيّرتونا.

إنو، إحنا منتعاطف ومنتفهم. منيح. بس إحنا منصرحش. وبس نصرح منصرح بشكل غير مباشر. وإذا صرحنا بالمحكمة مننكر.
ياخي.. بعرظ إمي ما بدي اياك تحمل بارودة.
بس احكيلك كلمة. ياخي كلمة. قول أنا بحب حسن نصرالله. مش بتحبه ياخي؟ تضحك ع حالك؟
قال شو يا سيدي الشباب بيسخنين رفعوا صورة حسن نصرالله.. طيب يعني صورة مين بدك يرفعوا.. هات قلّي..
صورة أبو مازن؟ مهو عميل.. المطران كابوتشي؟ ما حدا بعرفه.. جورج حبش؟ كمان ممنوع.
وإسا بطلعلي واحد إنو هو حدق.. يقلي "إرفعوا صورة عرفات.." .. إنو عرفات تمام ترفع صورته..
طيّب.. يا اخو المفرعنة.. لما كان عرفات قائد السبعينات والعملية العسكرية البطولية باسرائيل.. حضرتك وحضرات جنابهن بحزبك كنتوا تسترجوا ترفعوا صورته؟ .. م صرتوا ترفعوا صورته لما عمل اوسلو.. يعني لما صار خرا. انو شو؟

وواقفين يردوا ورا الي بهتف: "قولوا للمخابرات ما بترهبنا الإعتقالات".. بتقلهن: "تنزلوا تمشو مسيرة؟" .. قال: "لأ بلكي اعتقلونا."
مهي هاي الطعريسة
الطعريسة كلها بالموضة الجديدة الي طلعولنا اياها وسموها حرية تعبير.. انو كل خرا حر يحكي شو بده ويرمي بالبحر.
مهو اذا الحكي فش عليه جمرك.. بدنا نفرض الجمرك.
بدنا نفرض الجمرك لأني زهقتكوا. وعفت طيزي منكوا. واكتشفت انكو خرا. كلكوا خرا. وكلكوا كذبة.
تصليح:
بدي افرض الجمرك لأني زهقتنا. وعفت طيزي منّا. واكتشفت إننا خرا. كلنا خرا. كلنا كذبة.


خُلاصات:
* من يخاف الموت، لا يستحق الحياة.
* نحن شعب يحب الحياة، أكثر من اللازم.
*كثير ناس حكوا معي، ومعظمهم من نية صافية بموضوع البوست الي فيه شتائم موجهه للجبهة بموضوع أني أحذف البوست أو اكتبه بشكل لائق، قد يُحذف البوست، وقد لا يُحذف. ولكن على أي حال.. كل كلمة جاءت فيه تعبر بالضرورة عنّي. ولا أتنازل عنها.
* يمكن أنا محظوظ اني خرجت من التجمع.
*سقراط قال "الموت مظلوما أفضل من الموت ظالما". كان لازم يكمل، إحتقار الذات بحق أفضل من إكبار الذات على غير حق، وبالتالي احتقار الذات بحق، نقطة حق تسجل لصالح الإنسان.
*الشرمطة، أي الزنى، أسهل ألف مرة من العمالة المتمثلة بتبنّي موقف وزارة الخارجية الإسرائيلية والإدعاء بأن العنف في مجزرة الأسطول كان من الطرفين.
*السؤال: الإعتكاف والسؤال: ما العمل؟ \أم/ العمل الذي لا يأتي بأي ثمر يغنينا عن سؤال "ما العمل؟"

التوقيع
خرا.

كلمة بحق الشباب.


فرقة الدام..ولاء سبيت... فرقة توت أرض
مشاركوش بإحتفال يوم الطالب الي نظمته الجبهة.
ألف تحيّة.

الثلاثاء، 1 يونيو 2010

بيـان

لقد أبلغنا الأخوة في الجبهة عن نيتهم الإعتداء عليّ شخصانيًا على خلفية البوست السابق، وجاء في سياق الحديث عبارات كثيرة ومختلفة تدل على الغضب والسخط. وأُعلنت نيتهم تهشيم الرأس والتكسير وشتم بعض نساء العائلة مع حفظ الألقاب والمناصب.
وبعد إجتماع طال ساعات شارك فيه المجلس الوزاري المصغر لآيسلاند، كاهن معبد دلفي في أثينا، رئيس مجلس أُمناء ومشجعي مسرح الميدان، مديرة جمعية "مفرّعات بلا حدود"، الرفيق القائد عباس الفهلوي، رابطة "حفظة القرآن"، الفيلسوف دوركهايم، مايكل شوماخر، الصفا والمروة، قائد وحدات المدفعية الأردنية، النهر الخالد، مندوب حزب البعث الكردستاني ونائب رئيس أغنية سهرة حب (عبده)، وأنا...في انتظارك.
اتفق المشاركون على إعلان ما يلي:
آهـا...على إستك مرت عمّي
:)

تحية الى الجبهة!

وكما عودتنا الجبهة الديمقراطية للسلام والمساواة متمثلة بمؤسساتها الحزبية وتحالفاتها المختلفة أن تتحرك سريعًا ردًا على المجازر الإسرائيلية؛ موقفًا ومُمارسة!

الموقف:

"حركة " الجامعة لنا جميعًا" تدعوكم للاحتجاج ضد سيطرة الجيش الاسرائيلي على الاسطول، وضد قتل النشطاء وكذلك ضد استعمال العنف على يد الطرفين.*"

*بيان أصدرته الجبهة وحلفاءهم في "ميريتس" تحت اسم "حركة الجامعة الآن.


المُمارسة:

تزامنًا مع الاضراب العام والحداد: حفلة يوم الطالب البديل، يوم الثلاثاء في القدس، يشارك في البرنامج


אוהד עלים

קיצו

DJ Hamster

التلخيص:

لم يعد اللوم موجه بإتجاه الجبهة الديمقراطية للسلام والمساواة، ولا بإتجاه كوادرها الطلابية وغير الطلابية من مخنثين ومخنثات، ساقطين وساقطات، جحافل الزنى السياسي وإنحطاط الأخلاق الوطنية. لا نوجه اللوم الى معاتيه العمل السياسي والبوست وطنيين. لا نوجه اللوم الى دلّوعي التزاهرات والوتنيات والوتنيين والكول...إلخ.... لا نوجه اللوم الى موت الخجل. لا نوجه اللوم إلى قُمامة الأقلية العربية الفلسطينية في الداخل. لا نوجه اللوم الى الجبهة الديمقراطية للسلام والمساواة.

من اليوم:

إن الكتل الطلابية في الجامعة العبرية (والحبل علجرار) التي تختار العمل المشترك مع الجبهة، وتختار التظاهر جنبًا إلى جنب مع هؤلاء السفلة، تشاركها مواقفها السياسية، وتشاركها الجريمة، وتعطيها شرعية العمل والتواجد بين الطلاب العرب. لقد آن أوان عزل الجبهة في الجامعة. لقد آن أوان أن نعرف من معنا ومن علينا.