القول الفصل

القول الفصل

الخميس، 14 مارس، 2013

رومي منامك واهجعي





مبروك عرسك يا بعيد رداده 
على ڨد حصحاص الجبل و رشاده 
 روح لوكرك يا غريب و جالي
 عمّرت وكر الناس ووكرك خالي
رومي منامك و اهجعي يا عيني
بالكش ريدي في المنام تجيني
سميت بنتي عل مرا نبغيها
 تهسّس عليا وڨت ما اناديها 
نهنيك يا ڨلبي حبيبك ريته
وڨاعد يحبّك كيف ما حبّيته
شيّعت عيني لفوڨ ريت النجمة
خطرت عليّا امّ الخجل والحشمة
يا عين ماتبكيش عاللي ماتوا
 وابكي على الحيّين كيف تخاطوا

ليست هناك تعليقات:

إرسال تعليق