"لماذا تركت الفأر وحيدًا، لكي يؤنس المدونة يا אחי"
اليوم بعثولي مسج على الماسنجر (آه، بعدني بستعمل ماسنجر) إنه في ناس مش عم تقدر تفوت على المدونة لأن الأخ جوجل بقول إنه فيها فيروسات، والدخول على المدونة مش آمن ...
وبالعلامة، بتطلع هاي الرسالة لما الواحد يجرب يفوت:
The website at kayyal.blogspot.com contains elements from the site bin.clearspring.com, which appears to host malware – software that can hurt your computer or otherwise operate without your consent. Just visiting a site that contains malware can infect your computer.(وئام بلعوم، تجاهل اخيي)
المهم، الرسالة بتقول انه في عناصر بالمدونة من موقع bin.clearspring.com عم تضرب صفحة المدونة بملفات ممكن تضر بالكمبيوتر.. وبعد بحث، وتمحيص، وتدقيق، وبحبشه.. شو هذا الموقع؟ من وين جاي؟ إيش في؟ ليش؟ شو عم بصير؟ إيش فيي؟ وطبعًا انضغطت وتعصبنت وعرقت (لانه الدنيا حم وفش مكيّف، يعني مخصش الموضوع، بس هيك) وبديت اقاتل، وانقل كمبيوترات، وأجرب متصفحات... وبالآخر شمرت عن ذراعي.. لبست أواعي السباحة وقررت اغوص في بحور التكنولوجيا المبهمة، الشغلات الي صعب حدا يفهمها، الامور التكنولوجية المعقدة جدًا والمبهمة جدًا الي مستحيل أي إنسان يقدر يفهمها، يستوعبها، يتعامل معها.... إنو.. عشان الدقة.. اغلبنا تعلمناها بصف تاسع... بس انا كنت حمار (وبعدني)... فبالنسبة إليهي تكنلوجيا معقده ومستحيل اي إنسان (إلي هو أنا) يقدر يفهمها، يستوعبها ويتعامل معها... بالرغم من ان كل الناس بتستعملها بكل سهولة... انو... بساخ هاكول بساخ هاكول بساخ هاكول عم نحكي عن HTML... المهم.. غصنا بالاتش تي ام ال، لغة البرمجة المستعملة بمواقع الانترنت... وبعد ان بحثنا عن شو قصة على الموقع الي مخربط الدنيا... انصعقت... ذُهلت... إنجننيييييت!!!! مش معقول!! مش ممكن!!!! لأ!!!!
طلعوا شو لاقيت:
< class =" 'title'">همام< / h 2>
اكتشفت انه همّام، الفأر المقدام الي كان ساكن بمدونتي أسفل يسار الصفحة... هو الي كان يحفر ويحاول يفوّت ملفات مضروبة على المدونة... همّام حطمني.. خلاني افقد الأمل بكلشي.. هيك يا همام؟ بعد كل اشي مرقناه مع بعض؟ بعد عشرة العمر؟ بعد م سبينا على الجبهة وترجينا البنت ترجعلنا وسكرنا وحطينا فيديوهات وتمنيكنا على الناس والناس تمنيكت علينا.. هيك بتعمل فيي يا همام؟
ايش عملت معك غلط؟ بشو غلطت بحقك؟ انت قلي... انا شو عملتلك؟ مرة طلب مني اشي وقلتلك لأ؟ مصاري بخلت عليك؟ أكل؟ شرب؟ طلعات؟ سهر؟ انت اول واحد كنت تقرا شو بكتب.. ودايما استشيرك.. انت الوحيد الي كنت تعرف كلشي.. وانت الوحيد الي قريت اكثر من عشرين تدوينة ونص كتبتهن وتراجعت عنهن بعد خمس دقايق ومحيتهن قبل محدا يشوفهن... ليش هيك بتعمل؟
انا بشو غلطت معك ؟ كنت مكوم نايم كل النهار وبدكاش تطلع تشتغل عشان كل القطط المتربصين بالمدونة، فهمنا.. قلنا عال.. ع راحته.. قلت بدك تسافر.. طلعناك على مدونة رشا حلوة... قلت بدك مصاري قلنالك خذ الفيزا. ليش هيك بتعمل معي همام؟
ليش؟
انا شو عملت؟
كل حياتي اعطيتك اياها.. كل شعوري واحساسي وعواطفي كانت معك...
من اليوم... همام انت طلعت من حياتي ومدونتي..
كلشي بناتنا انتهى..
خلص
خلص همّام..
خلص...!!!
ليست هناك تعليقات:
إرسال تعليق