القول الفصل

القول الفصل

الاثنين، 31 مايو، 2010

والبحر موجه هدي كرمال واجبنا!

يما سرين بصبح
مشيت مراكبنا
والبحر موجه هدي
كرمال واجبنا
*
يما سرينا بصبح
ونهار كله غروب
نسبح في بحر الدما
تنحقق المطلوب
نحمل حنين الاهل
للتين والخروب
نحمل رفاة الطفل
في خيمته مضروب
نحمل جراحات عيسى
وشعبنا المصلوب
كرمال عز الوطن
وكرمال ديرتنا
كرمال عز القدس
منّا لقلوب تذوب
*
يما سرينا بصبح
مشيت مراكبنا
والبحر موجه هدي
كرمال واجبنا
يما ما خفنا العدا
خفنا قرايبنا
ظن العدو بغاراته انه يرهبنا
ياما ضُربنا بحمم
تنتوب وما تبنا
بالعكس كثر الألم
علموت دربنا
والموت منا ارتعب
بوّس شواربنا
ومن كثر ما شافنا ابطال ما منهاب
اقسم بدم الشهيد الا يصاحبنا
*
يا راكبين البحر
وين الدرب لوين
على غزة بالظبط
ما هو حكي تخمين
إني رفيق السفر
كنكم فدائيين
بالله يا موج انطقي
قولي هذول منين
ما شفت لسة بشر
بالموت فرحانين
سمعني منهم نفر
قلي: يا نور العين
الغير باع الوطن
بالمال والدولار
واحنا لاجل القدس
لرواح بياعين
*
يا نهاريا اسمعي والحكي للثوار
اسمعي مني قسم
حرفه بارود ونار
اقسم بظلم الأهل
وطفالنا لصغار
اقسم بغزة وصفد
واللد والأغوار
اقسم بحرب الجنوب
وشعبنا الجبار
ومهما تزيد العدا
حراس واستنفار
ومهما توقع عهد
مع مبارك الغدار
لجعل عظامي جسر
تيعبروا الثوار
لجيب غيم السما
كالريح كالاعصار
لجيب موج البحر
مثل البحر هدار
لجيب ارض وجبل
والغار مني يغار
لجيب حتى غيومي
تزيد فيهم سم
وحتى غيوم السما تمطر عداي بنار
*
يا قاصدين الوطن
صوتي يناديكو
روحي معكم سرت
نفسي اباريكم
نلتوا الشهادة بشرف
الله يهنيكم
والقدس فيكو ازدهت
باهت امم فيكوم
وان كان شعري ما بيوفي رثا الأحرار
بالنار بالدم بالبارود لارثيكم
!!

ليست هناك تعليقات:

إرسال تعليق