2. في أشخاص وأشياء بالعالم..ممكن تحطهن بأي جملة بالعالم وتصير اوتوماتيكيًا الجملة اتضحك.. في منهن ثنين بالملاحظة السابقة هنّي مش تروتسكي ولا الشافعي ولا تشيخوف.... وكمان ولا النبي محمد..أو أقلك.. هنّي ثلاثة مش ثنين.
3. بلعنوا دين الأطفال وهم يعلموا فيهم عن ضرورة تنظيف الأسنان.. والحفاظ على الأسنان.. ولقاء مع طبيب الأسنان.. وكل قديش نغيّر فرشاة الأسنان..وليش الفلوريد مهم للأسنان..وبعقّدوا رب الأطفال عشان يحافظوا على أسنانهم.. وبعد كل هلتعب والغلبة والشغل.. ببلغوهن بمزيد من الحزن والأسى.. ان والله هذول سنانكم بدهن يكتوا..وهذول كانوا هيك وقتي.. واسا بدنا نطلعلكوا الاسنان الدائمة. هاي مش حقارة؟
4. عزيزي فوكوياما، مش موت التاريخ..ولا الإنسان الأخير.. بس هي منظومة حقوق الإنسان بعبصت الثورات.
5. "خليها بالقلب تجرح".. أهيبلك.
6."إي.. يقطعها هاي المراقبة الي راقبتلنا على إمتحان البجروت مأزنخها..قال شو.. قال بدل متقلنا "بحطلكوا حاشاد (חשד) .. قال عرايها بعمللكوا פסילה.. مقرفها شو شايفة حالها..شو פסילה هاي.. شو بتعرفيش تقولي חשד.. شو بتعرفيش تحكي عربي؟..قرف يقرفك."
7. مشكلتي الجدية مع الملاحظة السابقة هو أنها حقيقية.
-ولك لأ! لأ يا حبيبتي كم مرة بدي أشرحلك؟ قصيدة "مديح الظل العالي" مدخلهاش بكارتون "صاحب الظل الطويل".. مشرحتلك اياها وسكرنا الموضوع..
-ليش متعصبن حبيبي؟ طوّل بالك..بعرفك خفيف الظل..ومزاجك عالي.
ليست هناك تعليقات:
إرسال تعليق