القول الفصل

القول الفصل

الجمعة، 31 أغسطس 2012

أيّام زمان




The Great Immensity of Time Circle


كُل شخص كبير بالعمُر، بقول أنه أيّام زمان كانت أحسن- أحلى، أروَق، أريَح، وهادية البال، يابا يا مصطفى. صغار العمر، بقولوش هيك، صغار العمر أصلاً مكانوش بوقته، بأيّام زمان.

كل شخص كبير بالعمُر، من الي بقولوا أنه أيام زمان كانت احسن- أحلى، أروَق وهادية البال، يابا يا مصطفى- بينسوا أنه في أيّام زمان إياها، هنّي كانوا ولاد صغار، مبسوطين بالحلا، بالرواق، بالراحة وبهداة البال، يابا يا مصطفى.


بنسوا أنه، كل مَ كبروا، صارت الحياة تتغيّر للأسوأ، كل م هنّي كبروا، مش كل م الحياة كبرت (الحياة مالهاش علاقة فينا، يابا يا مصطفى). وأنه ع وقتهن، كان في ناس تقول: أيّام زمان كانت أحسن- أحلى، أروق، أريَح، وهادية البال، يابا يا سليم. 

هني بنسوا،  أنهن بأيّام زمان كانوا صغار ومش حاسّين، وأنه الي كانوا أكبر منهن وحاسّين عن جد شو الحياة، اليوم بقدروش يحكوا عن "أيّام زمان"، لأنهن ماتوا...

ماتوا من الحياة السيئة- من القُبح، من الضغط، من التعب، ومن همّ البال... يابا يا مصطفى. 


هناك 6 تعليقات: