القول الفصل

القول الفصل

الأربعاء، 2 يونيو 2010

تـلـخـيـص


خلص. طيزي عُفتها. بطّل يهم. كلشي بطّل يهم. يا انه في تلبيخة اخت شلن بكل المنطق الي منعرفه، يا أنو، على الأرجح، أنا غلط. \
إحنا ناس. ومع الناس بصير أشياء. ولما تصير، الناس بتتعصبن، بتحس وبتعمل. ولما بتعمل بتعمل بحجم الغضب وبحجم الإحساس.\
بس إحنا ناس. ومعنا بتصير أشياء. أشياء كثير كبيرة. وكثير بتعصبن، ومنحس، وبكون بدنا نعمل. بس منعمل كل اشي بنفس حجم الفعل الإعتيادي\
إحنا ناس. بتصير معنا أشياء كثير كبيرة. وكثير منتعصبن. ومنحس. وبكون بدنا نعمل. بس منخاف. ومنعمل كل اشي بنفس حجم الفعل الإعتيادي.\
إحنا ناس مُلتزمين. مُلتزمين بقانون يتعلق بإمكانيات فعلنا وغضبنا. بحط حدود لغضبنا. بس، مش إحنا غضبانين من القانون؟\
إحنا مواطنين في دولة إسرائيل. مُلتزمين بقوانينها. بدناش نكسر قوانينها. وبالتالي بدناش نغضب أكثر من اللازم.\

الي بتحمل مسؤولية غضب الإنسان هو الإنسان الآخر إلي أغضبه، مثلًا:
الجبهة أغضبتني ببيانها، وبتتحمل مسؤولية ما جاء من شتائم وبهادل منّي.
انا أغضبت الجبهة بشتائمي التي اتحمل مسؤوليتها، وبتحمل اللي ممكن يصير من غضب الجبهة.

هووب.

كنا نحكي عن الخوف.
وعشان منبيّنش مُزاودين. بلاش "خوف".. شو بتسموها حضراتكم؟ "مسؤولية"..

هات تنحكي شوي عن المسؤولية.
المسؤولية انه لا يُعتقل شبابنا.
المسؤولية انه لا يُجرح شبابنا.
المسؤولية انه لا يُقتل شبابنا.

المسؤولية ألا تهاجم شرطيًا يأتي لإعتقالك والإعتداء عليك. أن تكتفي بدفعه لكي لا يلتقطوا صورتك ويوجهوا تهمة " الإعتداء على شرطي".
المسؤولية أن تهرب من شرطي يهاجمك للإعتداء عليك لئلا تُجرح.
المسؤولية ألا تشكل خطرًا على حياة جيش الدفاع الإسرائيلي لئلا يطلق عليك النار.

المسؤولية أن تتظاهر بحدود القانون الإسرائيلي.
المسؤولية: أن تقاوم العدو بالسلاح الذي يسمح به العدو.

إنو طيّب ياخي.. م انت مستعد تكسر كل قوانين الدولة.. عشان تضربني.. وتضحي بحالك انو والله ممكن تنحبس أو أو أو.. عشان قلت انو بحزبك في شراميط. ماشي منيح.. انا مبسوط.
طيب ياخي كسّرلك شي قانون، ولو صغير مثلًا، عشان في إشي معيّن إسمه إسرائيل ناكك وناك ربّك وعملك وعملني، بدّك ولا بدكاش، عملنا شراميط عنده. إنو ياخي اضربلك كف.. رفشة.. بحق هلهيئة الي بالنسبة إلك عدو.

عدو ؟
أه صح..ערבים ויהודים מסרבים להיות אויבים.

لأ مجد.. بسرش هيك سديئي.. لازم نفسل بين اليهود والسهيونية.
ع راسي. فصلنا.

الدولة الصهيونية شو تعريفها؟ عدوة ولا مش عدوة؟ بتغيّر المنطق؟ بتصوّرش.

أول مظاهرة كنت فيها بحياتي، كان عمري 3 أشهر، مظاهرة يوم الأرض 1991.

من وقتها وانا مفكر اني بعمل اشي. الحقيقة، بعملش اشي.

في هذول المنايك الي بقعدوا على جنب الشارع لما تمرق المظاهرة وبقولوا "شو بدها تفيدهن المظاهرات يعني؟". بغض النظر إنهن ولاد خاينة، بس معهن حق.
مظاهراتنا، بشكلها المُعتمد. بتفدش. بتقدمش. بتأخرش.

إنو يعني الـ "شراميط" ازعجت الجبهة أكثر من ما كل مظاهراتنا على مدار 62 سنة عم تزعج الدولة. وإثباتًا على هذا انو الجبهة جربت تهددني، والدولة ولا مرة جربت تهددني. حتى "كارلوس" بالتحقيق الأخير بالشاباك.. قاللي لما قعد يفهمني أخطائي بحق دولة اسرائيل: "انا مش عم بهددك"

إذًا، قدامنا حلّين.
أو أن منقعد، منعاتب حالنا ومنعذب نفسنا ونجلدها لانو احنا مش عم نعمل اشي فعلي عشان نعصبن اسرائيل.
او منطلع نتظاهر.. ونوهم حالنا انو عم نعمل اشي.

انو ياخي هات تَ نشوف.
حضرتك مع الكفاح المسلّح؟ منيح.
بتقدرش تحمل سلاح والوضع مش مُلائم؟
أنو وضع مش ملائم.
إذا بتقلي انو الجماهير مش جاهزة، وانو فش قابلية، وانو احنا عايشين بشكل مختلط الي بسمحلناش بالعمل العسكري والى آخره، أنا بقلك. منيح، انا معك.
طيب.
بالضفة وغزة والشتات، في قابلية، والعمل العسكري ممكن. حضرتك معه؟
اذا مش معه، معناته انت كذاب، ومشكلتك مش بالقابلية والجاهزية والوضع القائم، بل مشكلتك مع العمل العسكري ككل.
وإذا معه، قول يا عمّي هذول الناس حقهن يقاوموا وانا معهن.

ولكن، إحنا إلنا الحق انو نفكر انو احنا مع المقاومة. بس مإلناش الحق نقول انو احنا مع المقاومة.
طيب انو شو منصفي نكتبها بـ "كليلة ودمنة" مثلًا؟

عنجد حيّرتونا.

إنو، إحنا منتعاطف ومنتفهم. منيح. بس إحنا منصرحش. وبس نصرح منصرح بشكل غير مباشر. وإذا صرحنا بالمحكمة مننكر.
ياخي.. بعرظ إمي ما بدي اياك تحمل بارودة.
بس احكيلك كلمة. ياخي كلمة. قول أنا بحب حسن نصرالله. مش بتحبه ياخي؟ تضحك ع حالك؟
قال شو يا سيدي الشباب بيسخنين رفعوا صورة حسن نصرالله.. طيب يعني صورة مين بدك يرفعوا.. هات قلّي..
صورة أبو مازن؟ مهو عميل.. المطران كابوتشي؟ ما حدا بعرفه.. جورج حبش؟ كمان ممنوع.
وإسا بطلعلي واحد إنو هو حدق.. يقلي "إرفعوا صورة عرفات.." .. إنو عرفات تمام ترفع صورته..
طيّب.. يا اخو المفرعنة.. لما كان عرفات قائد السبعينات والعملية العسكرية البطولية باسرائيل.. حضرتك وحضرات جنابهن بحزبك كنتوا تسترجوا ترفعوا صورته؟ .. م صرتوا ترفعوا صورته لما عمل اوسلو.. يعني لما صار خرا. انو شو؟

وواقفين يردوا ورا الي بهتف: "قولوا للمخابرات ما بترهبنا الإعتقالات".. بتقلهن: "تنزلوا تمشو مسيرة؟" .. قال: "لأ بلكي اعتقلونا."
مهي هاي الطعريسة
الطعريسة كلها بالموضة الجديدة الي طلعولنا اياها وسموها حرية تعبير.. انو كل خرا حر يحكي شو بده ويرمي بالبحر.
مهو اذا الحكي فش عليه جمرك.. بدنا نفرض الجمرك.
بدنا نفرض الجمرك لأني زهقتكوا. وعفت طيزي منكوا. واكتشفت انكو خرا. كلكوا خرا. وكلكوا كذبة.
تصليح:
بدي افرض الجمرك لأني زهقتنا. وعفت طيزي منّا. واكتشفت إننا خرا. كلنا خرا. كلنا كذبة.


خُلاصات:
* من يخاف الموت، لا يستحق الحياة.
* نحن شعب يحب الحياة، أكثر من اللازم.
*كثير ناس حكوا معي، ومعظمهم من نية صافية بموضوع البوست الي فيه شتائم موجهه للجبهة بموضوع أني أحذف البوست أو اكتبه بشكل لائق، قد يُحذف البوست، وقد لا يُحذف. ولكن على أي حال.. كل كلمة جاءت فيه تعبر بالضرورة عنّي. ولا أتنازل عنها.
* يمكن أنا محظوظ اني خرجت من التجمع.
*سقراط قال "الموت مظلوما أفضل من الموت ظالما". كان لازم يكمل، إحتقار الذات بحق أفضل من إكبار الذات على غير حق، وبالتالي احتقار الذات بحق، نقطة حق تسجل لصالح الإنسان.
*الشرمطة، أي الزنى، أسهل ألف مرة من العمالة المتمثلة بتبنّي موقف وزارة الخارجية الإسرائيلية والإدعاء بأن العنف في مجزرة الأسطول كان من الطرفين.
*السؤال: الإعتكاف والسؤال: ما العمل؟ \أم/ العمل الذي لا يأتي بأي ثمر يغنينا عن سؤال "ما العمل؟"

التوقيع
خرا.

هناك 16 تعليقًا:

  1. روح نام الله يرضى عليك!

    ردحذف
  2. جوّزوا الولد لأخته وحكوا 3 أيّام.

    ردحذف
  3. اشي بيجنننننن

    ردحذف
  4. kteer sa7 el maktoob...be3'adi elnazar meen 3ajbo wmeen mesh 3ajbo...wlalmo3ale2 el2awal elne3'esh...law benam majd zay 7alatak w 7alati,makanesh bekteb w befaker bhaltaree2a

    ردحذف
  5. بعد في تذاكر للفيلم اللي انت فيه ؟
    الك كل حق انك تحكي شو ما بدك .. حتى لوينك عم تتهبل وتحكي اشيا كتير سخيفة بس الك الحق .. بس حلو لو تطلع شي منشور , اشي تكتبو ضد اللي صار صباح يوم الإثنين
    اذا ما فش شو تحكي عالموضوع, معناها خلي غيرك يشتغلوا .. 3 مظاهرات صاروا بالقدس, ليش مكنتش غير ب 1 ؟ قلتلي المظاهرات هي وقلتها واحد ؟ طيب ليش متكتبش اشي تعبر فيه عن رايك, تحاول اتدافع عن وجهة نظرك
    عندي سؤالين الك : هل انت متأسرل ؟ بتطبع مع إسرائيل ؟
    واذا انت ضد الحلول السلمية, تفضل خود هاد ترس وهاد سيف .. مش انت اللي كنت لابس بمظاهرة يوم الاثنين بضاعة امريكية ؟ حيرتني بقصتك ..
    الويل لأمة...

    ردحذف
  6. شو مع الهوا اللي بتتنفسه أخي المحتار شفيق؟ مش هوي برضه أمريكي؟ شو مع توسيع الأفق؟ شو مع انه تبطلوا تحكو من طيز ضيقة؟ من بعد مظاهرة مبارح، مين بدو يطلع معكو مظاهرات؟
    ... والله ظواهر

    ردحذف
  7. أزال أحد مشرفي المدونة هذا التعليق.

    ردحذف
  8. الهوا امريكي ؟ اذا هيك أكلت هوا .. او عشان تفهمها احسن , أكْلَتْ خَرَا
    أذكرك شو اللي صار مبارح ؟ بعطيك تذكير خفيف, مكنتش الجبهة مدعوة عالمظاهرة.. وكانت دعوة عامة للطلاب. شو أعملّك اذا الغضب موجود عند رفاق الجبهة وانو التحريضات موجودة عند كوادر الاحزاب الاخرى ؟

    ردحذف
  9. بدو يكون فيه سبب أو أسباب يا أخي المحتار ماكل الخراء :-)

    ردحذف
  10. وكما يحق الك ولرفاقك الغضب والزعبرة، يحق للسيد صاحب المدونة إنه يدون كل فكرة محشورة بنافوخه الموزون، ولو كان طاير على بُعد 10 ميل من أصابع إجريه، قبل ما يوقع في الحفر عالطريق من ثقل العتب الحقد الكراهيه وأمور أخرى تتطلب التنفيسسسسس -
    في ما يلي نموذج:
    http://elbabelakhr.blogspot.com/2008/10/blog-post_28.html

    ضبوا الطابق، لأنه ولا مره كان الوضع أحسن

    ردحذف
  11. كل واحد الو حق الكتابة والتدوين. وانا الي حق الرد, إلا اذا مجد عندو مانع وقتها انا بعتذر منّو أولا وبعتذر منكو.
    بعرفش اي طابق مستور عم تحكي..من ناحيتي افتح كل الطوابق انا مش منتمي لاي حزب, انا فكريا شيوعي ومع الحزب الشيوعي والجبهة.

    ردحذف
  12. الي بطوب او بتوب في هاظ الرجِال بحرمو يفتح ال...بو..تر بتاعو
    وقد اعذرَ من انذرَ

    ردحذف
  13. الشرموطه ان تابت عابت... اما بعد ايها الانبطاحي الاحمر يا من تعاني الانفصام الفكري , كيف بتقلي جبهاوي ومع الضعيف ومع ثوره البولتاريا ومع تحرير المطهدين ... وبنفس الوقت الاضطهاد واقع عليك ومش بس اطهاد كمان لعبو عليك وجابو منك ولد .. ومش قادر تقلهم انا مع الكفاح انا فلسطيني انا ملتعن ديني وبدي اتحرر ... انا بقلك ليش مش قادر تقلهم لانو الجبهاوي ان تاب عاب

    ردحذف
  14. يلا اتفظلوا:
    http://www.haaretz.co.il/hasite/spages/1172422.html

    ردحذف