القول الفصل

القول الفصل

الاثنين، 8 أكتوبر 2012

أسمه زبّال، مش عامل نظافة


بقول لأبنه أو بنته، أنه "بابا؟ هاد مأسموش زبّال، هاد إسمو عامل نظافة بابا..." أو أنه بسمّوش السكرتيرة بالمكتب سكرتيرة، إنه هاي إسمها صار "مديرة إداريّة"، احترامات عمّو!

ع مين عم تكذبوا؟ مهو زبّال، بنظّف هو صحيح، لكن بالمحصّلة، أنت بتفيق ثاني يوم ع الشارع النظيف وهو بفيق ع زبالة كمان شارع جديد غير شارعك. هو عامل نظافة فعلاً، بالنتيجة بعمل نظافة، بس السؤال هو وين، وين هو؟ 

إيش هاي الورديّة الزايدة؟ يعني شايفين بعمركو حدا لما كان طفل كان حلمه يصير زبّال وكبر مع هاي الموهبة وطوّرها وتقدّم فيها لحد م صار زبّال؟ ما حدابدّه يصير زبّال، إذا سمّيته عامل نظافة بعنيش إنه صار بدّه يصير عامل نظافة، بعني إنك صرت حاسس أحسن مع حالك بإنك حاطّه تحت وأنت فوق، بانك بتقدر تكون شو بدك وهو مش قادر.

أنه في صبيّة كبرت ووعيت ع الدنيا وهي حلمها ترد ع تلفونات وتبعث فاكسات؟ طبيعيين أنتو؟ 

بقلكوش إشي أنا، معنديش اوهام أنه كل البشرية تصير نظيفة ومنحتاجش زبّالين ولا أنه مكاتب الإن جي أوز تذوق ع دمها وتبعث فاكساتها بإيدها، خاصةً إنها مش عم تعمل إشي، غير تعمل بإيدها.. بفرقش

بس بفرق أنه فش حاجة تعيّشونا بفلومة أنه فش فروق، وأنه كل واحد أله شغله، وأنه الشغل مش عيب، مش عيب؟ تفضّل أشتغله يا أخو الشرموطة!
الشغل مش عيب لما يكون مش عيب بشكل عام، بغض النظر عن الظروف، مش أنه "الشغل مش عيب" بس لما بدك تموت من الجوع، أشوف كلب يقولّه أبنه، يابا انا بديش أتعلم، خلص تمام بفضّل أشتغل زبّال، يقلّه: "آه يابا ع راحتك، الشغل مش عيب..." 

تعيشوناش بفلومة أنه فش فروق بين الناس لأنه في، متقولوش للسكرتيرة أنه مديرة إدارية، أول إشي عشان ميكبرش الموضوع براسها وتاكل بحالها مقلب لأنه أنا مش ناقصني، بس بالأساس عشان متوهموش حدا أنه وصل لقمته، مُدير إداري! 

قد م بتقدروا تخلّعوا بالناس كفوف، خلّعوا. قد م بتقدروا تفيّقوا الناس من أوهامها، فيقوها. كل ما بتقدر تتمسخر ع حدا تتجوز، عشان تذكّره أنه عم بنحرق بالحفاضات والجلي والمعايدة ع أهل مرته بدل م يروح يعمل شو بده وشو بحب. كل م بتقدروا تذكروني إني بشتغل بؤسسة بآمنش برسالتها ولا بأهدافها ذكروني عشان أتذكر أني متسخم هون بس عشان بدي مصاري.

لما حضرتك دكتور، الي كمان 5 سنين راح يصير يخلع ثلاثين ألف شيكل بالشهر، سيبك من شغلة أنه هاد عامل نظافة. خليك بحالك وأتركه يشتغل شغله، ولما أبنك يسألك قلّه "يابا هذا مش مننا"، تسألش عنّه، قلّه اياها هيك بالواضح، بالواضح أحسن بكثير من أنه يكبر وهو شفقان، يكبر وتكبر طيزه ويفوت يتعلم طب وهو شفقان. خلي إبنك بالمدرسة يتمسخر ع الولد الي بنطلونه ممزوع، تخلوش يشفق، لسبب بسيط أنه لطالما إبنك شفقان لطالما أنت وإبنك راح اتضلكو راكبينّا بشفقتكو، ومكرمين علينا بعطفكو من محلكو فوق، ومحلنا تحت. خلي أبنك يتمسخر ع الولد الي بنطلونه ممزوع..

أحسن من أنه أنت وإبنك تشفقوا ع الولد الي معوش حق بنطلون، وتعملوا حالكو حناين، وبكرا أبنك يقلك "بابا، ابن صفي (بفرقش اسمه) عزمني أروح عندهن ع البيت"
"وين ساكن أبن صفك بابا؟"
"بالحليصة بابا"
"بلاها بابا..." 

بلاها هاي، خليه أبنك يضحك ع الولد الي معوش حق البنطلون، بلكي الولد الي معوش حق البنطلون سلخ أبنك شي بوكس بنصّ عينه ونسّاه الماتيرنا الي رضعها. 

أحنا منصير زي بعض يا بابا، لما يوم بالجمعة تترك محل المجوهرات الي عندك وتروح أنت تلمّ الزبالة، مش لأنك بتحب التطوّع، مش لإنك بتساهم، أو فش أنغش منك، لا، لأنك مجبور حسب القانون، والدعسة ع راسك... 

مجبور تنزل محل الزبّال الي بهذا اليوم عنده إجازة، إجازة يمكن جاي عباله فيها يقعد ع القهوة يدخّن سيجارة أو يروح يتعلّم مثلاً سواقة قوارب بحريّة، ويشوفك قاعد بتنظف بالشارع ويقول لأبنه "بابا، هاد أسمه عامل نظافة"...

هناك 22 تعليقًا:

  1. أزال المؤلف هذا التعليق.

    ردحذف
  2. يعني بالله شو فرقت الأسامي، المهنة نفسها نفسها، فعالأقل الواحد يحكي كلمة غير مهينة! في ناس بتشتغل معلمين وحلمهن مكنش انهن يكونو بهادا المحل، رغم انها مهنة منيحة، فيصير يسمي حالو راعي ولاد متلاً؟ وشو رأيك بالزبال المبسوط بمهنتو؟ اه في هيك زبالين، فليش تهينو يعني؟ ... انت بتحاول تكون لا-طبقي بس انت طبقي من الدرجة الأولى ومفكر حالك أحسن من غيرك، رغم انك بتتعلم فلسفة، تأشوف المهنة العظيمة اللي رح تشتغل فيها بعدين. عيب عليك خيا!

    ردحذف
  3. الى المعلق رقم 2:
    de te fabula narratur

    ردحذف
  4. فلسفة زايده!!!حياني علوقت الي ظيعتو وانا اقرا هلسخافة!!!

    ردحذف
  5. فلسفة زايده!!!حياني علوقت الي ظيعتو وانا اقرا هلسخافة!!!

    ردحذف
  6. فلسفة زايده!!!حياني علوقت الي ظيعتو وانا اقرا هلسخافة!!!

    ردحذف
  7. ابداع بوجع القلب ! ؛)

    ردحذف
  8. بمناسبة السنة الثالثة بحب أقول انه هذه من نصوصك الي بحبها.
    .
    بقلك باليابان مسميينه "مهندس صحة"، بس باليابان بيحاسب "الزبال" أكثر من المهندس.

    ردحذف
  9. شركة نظافة بمكة
    سيدات كثيرة تبحث عن شركة تنظيف شقق بمكه فالمنزل هي الافضل في جميع خدمات التنظيف فهي شركة تنظيف منازل بمكة وشركة تنظيف شقق بمكة كذلك لتنظيف جميع انواع المفروشات غسيل سجاد بالبخار ,تنظيف مجالس,تنظيف موكيت,غسيل كنب,تنظيف كنب لذا المنزل شركةنظافة بمكة متخصصة
    شركة تنظيف شقق بمكة
    http://elmnzel.com/cleaning-makkah/

    ردحذف
  10. شركة تنظيف منازل بالمدينة المنورة
    ستجد افضل الخدمات فى تنظيف منازل بالمدينة المنورة مع المنزل افضل شركة تنظيف منازل بالمدينة المنورة تقوم بخدمة تنظيف منازل بالمدينة المنورة,تنظيف شقق بالمدينة المنورة,غسيل شقق,تنظيف فلل كما تقدم افضل الخدمات فى تنظيف مجالس,غسيل كنب,غسيل سجاد
    تنظيف شقق بالمدينة المنورة

    اتصل على :0500927360
    http://elmnzel.com/cleaning-medina

    ردحذف
  11. اذا كنت تبحث عن شركة تنظيف بمكة متخصصة ومحترفة في اعمال التنظيف المختلفة, يمكنك الاستعانة بشركة صقر البشاير التي تقدم خدمات تنظيف المنازل بمكة المكرمة باجتراف متكامل, كما اننا شركة نظافة عامة بمكة نقوم بتنظيف مجالس وفلل وشقق وعمائر, كما نقوم بتنظيف الشركات والمؤسسات والقصور وذلك لاننا لدينا فريق عمل ضخم قادر على تنظيف كل المساحات مهما كانت ضخمة وواسعة, كما اننا نقوم بتنظيف كنب وتنظيف موكيت بمكة وتنظيف مجالس وكافة انواع مفروشات المنزل باستخدام احدث اجهزة التنظيف بالبخار بمكة التي تزيل اصعب البقع الصعبة من المفروشات
    تنظيف منازل بمكة

    ردحذف
  12. شركة تنظيف بمكة
    ان شركة صقر البشاير شركة تنظيف بمكة تقدم الكثير من مهام التنظيف المختلفة و من اكثر خدمات التنظيف اهمية والتى نقوم بتقديمها بأفضل صورة لها هى خدمة تنظيف منازل بمكة حيث اننا عند تقديمها نعتمد على افضل الاجهزة والمعدات كما نقدمها لك فى اسرع وقت ممكن لذلك نحن شركة تنظيف منازل بمكة من افضل الشركات على الاطلاق
    تنظيف منازل بمكة
    https://elbshayr.com/5/House-clearance

    ردحذف