القول الفصل

القول الفصل

الاثنين، 12 أبريل، 2010

عن البلوتاك..وما أدراك ما البلوتاك

اليوم الصُبح قررت: اليوم بدّي أشتري بلوتاك.
البلوتاك للي بعرفش، هو معجونة بستعملوها عشان يلصقوا اشياء، وكانوا المعلمين يجيبوها معهن عشان يلصقوا اشياء على اللوح، والشاطر يقدر يجيب بلوتاك من الي نسيهن المعلم عشان يقضي الحصة الي بعدها يبعبص بالبلوتاك ويعمل اشكال غبية. بس ما حدا بعرف، قديش كانت هاي الشغلة مؤثرة بحياتي. ما حدا بعرف إني كنت اشوف العالم مقسوم قسمين: الناس الي بتعرف تدبّر بلوتاك.. والناس الي بتعرفش اتدبر بلوتاك.

البلوتاك بتقدر تستعمله عشان:
*تنظف كيتشوب علقان على الكيبورد.
*تلصق صور نانسي عجرم فوق تختك
*تمسّك غلاف تابيت لمكتبة خشب الها عندك مية سنة.
*تضحك على صاحبك وتقله خذ لبان وتبعصله كيفه.

البلوتاك بتقدرش تستعمله عشان:
*تقيم الزيوان المُقرف الي بوجهك.
*تقضي على الإسلام السياسي.
*يجيب محطات كاس العالم بدون متركّب YES
*يحللك وظيفة SPSS.

للمزيد من المعلوفات:
http://www.blutack.com/

هناك 4 تعليقات:

  1. بنفع تلصق الصحن فيو وهيك بتشوف المونديال

    ردحذف
  2. على سيرة تبعص كيف صاحبك شوف كيف ممكن تبعص واحد وتبعص كيفه بنفس الوقت
    http://www.youtube.com/watch?v=PoXdoAivnPs

    ردحذف
  3. http://www.youtube.com/watch?v=PoXdoAivnPs

    ردحذف
  4. على سيرة تبعص كيف صاحبك شوف كيف ممكن تبعص واحد وتبعص كيفه بنفس الوقت

    ردحذف