.jpg) |
| الفرد ايزنستد - 1932 |
(في المطبخ)
المعلّم اليهودي: في طاولة برّا، تطلع تشوفها؟
مؤنس: آه بنفع
المعلّم اليهودي: شكرًا
مؤنس: أهلين
(بعد خمس دقائق- عند الطاولة)
هديل: إي، شو بتعمل هون؟
هديل: إي، شو بتعمل هون؟
مؤنس: (بضحكة خجولة) أهلا بشتغل هون م انا...
هديل: والله؟ من وينتى؟
مؤنس: أوّل الشهر بديت والله
هديل: طيب حلو كثير، جد حلو، خلصت تعليم؟
مؤنس: اه السنة الماضية والله
هديل: طيّب وإسّا شو؟
مؤنس: شو؟
هديل: انه شو إسا عامل؟
مؤنس: بشتغل هون والله
هديل: اه، انه، حلو، وبدكاش تكمّل؟
مؤنس: مبلا، يعني السنة الجاي يمكن..
هديل: اه..
مؤنس: وانت؟
هديل: انا عم بعمل إسا ماجيستير بتل أبيب
مؤنس: والله؟ حلو... تشربي إشي؟
هديل: يعني كنت بحب بس بتعرف، مع مراد أنا إسا وفات عنّا ع البيت والأشياء الي كانت بطّل ينفع تـ...مؤنس: قصدي، هون، أجبلك إشي تشربي؟
هديل: (بضحكة خجولة) اه، متأسفة، شكرًا، لا أنا بطلب ولا يهمّك
مؤنس: تطلبي من مين؟
هديل: من أي حدا بشتغل هون
مؤنس: م أنا الي بشتغل هون
هديل: اه... صح...
مؤنس: اه...
هديل: طيّب جيبلي أي إشي...
مؤنس: ملكشيك؟
هديل: اه بنفع، شكرًا
مؤنس: أهلين
(بعد خمس دقائق- عند الطاولة)
مؤنس: ملكشيك؟
هديل: اه هون، شكرًا
مؤنس: أهلين
(بعد رُبع ساعة - عند الطاولة)
مؤنس: كُلشي تمام؟ بدكو اشي؟
هديل: تمام، شكرًا
مؤنس: اهلين...
(بعد خمس دقائق- عند الطاولة)
مؤنس: أهلًا، بتحب تطلب؟
مراد: ملكشيك لو سمحت
مؤنس: ولا يهمك
مراد: شكرًا
مؤنس: أهلين
(بعد ساعة- في المطبخ)
المعلم اليهودي: كُلشي تمام؟
المعلم اليهودي: كُلشي تمام؟
مؤنس: تمام
المعلم اليهودي: بدك إشي؟
مؤنس: تمام
المعلم اليهودي: متأكد؟
مؤنس: تمام، شكرًا
المعلم اليهودي: أهلين
ليست هناك تعليقات:
إرسال تعليق